Санта-Круздаги Калифорния университети астрофизиги Грег Лафлин Ер сайёрасининг қийматини баҳолайдиган ўз формуласини яратди. Унинг ҳисоб-китобларига кўра, сайёра беш квадриллион доллар туради, деб ёзади Mail Online.
Олим ўзининг ҳисоб-китобларида Ернинг массасини, унинг ҳарорати, ёши ва ҳаётни таъминлашга хизмат қиладиган бошқа кўплаб омилларини ҳисобга олган.
Олимнинг таъкидлашича, Ер Қуёш тизимидаги энг қиммат сайёра ҳисобланади. Таққослаш учун, Марснинг нархи 16 минг долларни ташкил этади, холос. «Қизил сайёра нархининг бу қадар пастлиги у ерда яшаш учун деярли шароит йўқлиги билан изоҳланади», — дейди Лафлин.
Астрофизикнинг ҳисоб-китоби бўйича, Венера сайёраси бир сент туради.
«Мен доим ‘яшаш зонасидаги ерга ўхшаш сайёра’ тушунчаси етарлича аниқ эмаслиги ҳақида ўйлаганман. Менга тадқиқотчилар топаётган сайёранинг қийматини баҳолай олишим учун ўлчов бирлиги керак эди», — дейди Лафлин.
Астрофизикнинг фикрича, камида 80 миллион доллар турадиган сайёраларни одамлар учун потенциал янги уй сифатида қарашнинг фойдаси йўқ.
Аввалроқ Ерга қиймати 17,4 миллиард долларлик астероид яқинлашаётгани тўғрисида хабар берилганди.
Изоҳ (0)