Япония ғарбида яшовчи аҳоли осмонда болид ёки ёрқин учаётган юлдузни пайқаб қолди. Объект учишининг видеоси NHK телеканали томонидан эълон қилинган.
Канагава префектурасидаги шаҳар музейи вакили Даичи Фудзи бу каби ҳолатлар билан яхши таниш ва у объектнинг ёруғлиги тўлин ойдан чиқадиган нур билан бир хил бўлганини қайд этган.
«Видеони таҳлил қилиб, объект йўналишини аниқлаш ва унинг қаердан учиб келаётганини билиш мумкин», — дея қўшимча қилган у.
流れ星の中でも特に明るく輝く火球が、29日午前1時半すぎに、西日本の広い範囲で、観測されました。https://t.co/QCOgTZy7qp pic.twitter.com/RKTx7zYwkN
— NHKニュース (@nhk_news) November 28, 2020
Ҳодисага бевосита гувоҳ бўлган маҳаллий аҳоли ижтимоий тармоқлардаги саҳифаларда бу болид қулашининг баланд овози ҳам эшитилгани ҳақида гапирган.
Учар жисм осмонда ўзидан кейин думсимон из қолдирган, болид бир неча сония давомида Ерга қараб ҳаракатланган ва ҳавода ёрқин нур сочиб портлаган.
Kyodo агентлиги ҳодиса юзасидан фикр билдирган Хего префектурасидаги Акаси мунисипал планетарийси директори болидларнинг бундай нур сочишини Венера ёрқинлиги каби жуда кам кўриш мумкинлигини айтган.
«Болиднинг сўнгги нурланиши тўлин ой ёруғлигига мос келган деб ўйлаймиз», – дея Такеши Инуэ сўзларини келтирган агентлик.
2017 йил ноябрь ойида Россиянинг Мурманск вилоятида оловли шар осмонда учиб ўтганди. Объектни Мончегорск ва Снежногорскда яшовчи аҳоли пайқаган. Объект ёруғлиги Финляндияда ҳам кўринган.
Изоҳ (0)