Индонезиянинг Бали ороли ҳукумати 2021 йил бошидан бошлаб хорижлик сайёҳларни қабул қилишни бошлайди. Бу ҳақда Times of India нашрига таяниб «Интерфакс» хабар берган.
Бали ҳукумати аввал бир неча марта оролнинг хорижлик сайёҳлар учун очилишини кечиктирган. Охирги маълумотларга кўра Балида хорижлик сайёҳларни қабул қилиш 1 декабрдан бошланиши керак эди.
«Ҳозирча хорижлик туристлар учун 1 декабрдан бошлаб оролни очиш режалаштирилмаган. Бу катта эҳтимол билан келаси йил бошида амалга ошиши мумкин», — деган Тёкорд провинцияси губернатори Ока Артха Ардан.
Унинг сўзларига кўра бу борада якуний қарор йил охирида қабул қилинади, Индонезия ҳукумати мамлакатнинг пандемия сабаб чегаралар ёпиқ бўлган вақтда инқирозни қандай енгиб ўтганига баҳо бермоқда.
Айни вақтда Бали ороли ички туризм учун очиб қўйилган. Провинцияда туризм саноатини ишга тушириш учун турли реклама таклифлари ва фуқаролар учун акциялар эълон қилинмоқда. Шунингдек, Индонезия ҳукумати 13 та аэропорт учун йиғимларни бекор қилган ва бу орқали чипталар нархини тушириш, маҳаллий аҳолини саёҳатга чиқишга жалб этиш кўзда тутилган.
Изоҳ (0)