Indoneziyaning Bali oroli hukumati 2021-yil boshidan boshlab xorijlik sayyohlarni qabul qilishni boshlaydi. Bu haqda Times of India nashriga tayanib “Interfaks” xabar bergan.
Bali hukumati avval bir necha marta orolning xorijlik sayyohlar uchun ochilishini kechiktirgan. Oxirgi ma’lumotlarga ko‘ra Balida xorijlik sayyohlarni qabul qilish 1-dekabrdan boshlanishi kerak edi.
“Hozircha xorijlik turistlar uchun 1-dekabrdan boshlab orolni ochish rejalashtirilmagan. Bu katta ehtimol bilan kelasi yil boshida amalga oshishi mumkin”, — degan Tyokord provinsiyasi gubernatori Oka Artxa Ardan.
Uning so‘zlariga ko‘ra bu borada yakuniy qaror yil oxirida qabul qilinadi, Indoneziya hukumati mamlakatning pandemiya sabab chegaralar yopiq bo‘lgan vaqtda inqirozni qanday yengib o‘tganiga baho bermoqda.
Ayni vaqtda Bali oroli ichki turizm uchun ochib qo‘yilgan. Provinsiyada turizm sanoatini ishga tushirish uchun turli reklama takliflari va fuqarolar uchun aksiyalar e’lon qilinmoqda. Shuningdek, Indoneziya hukumati 13 ta aeroport uchun yig‘imlarni bekor qilgan va bu orqali chiptalar narxini tushirish, mahalliy aholini sayohatga chiqishga jalb etish ko‘zda tutilgan.
Izoh (0)