Диаметри 10 метр келадиган астероид Ердан рекорд даражада яқин масофадан учиб ўтди. Унинг тўқнашувига 350 км етмаган

Ердаги телескоплар сайёра юзасидан тахминан 350 километр узоқликдан учиб ўтган астероидни пайқаб қолди, деб ёзади Universe Today.

Астероид 13 ноябрь куни учиб ўтган, бироқ у ҳақида эртаси куни маълум бўлган — астероиднинг илк суратлари Ерга яқинлашганидан 15 соат ўтиб олинган. Таъкидланишича, постфактум фиксацияси — Қуёш томонидан Ерга учиб келадиган тезкор объектлар учун бу одатий ҳол.

Астрономларнинг баҳолашича, 2020VT4 астероидининг диаметри 5—10 метрни ташкил этган. Ерга яқинлашиш вақтида у +3 юлдуз катталигидаги нуқта сифатида кўринган.

Маълумот учун, Халқаро космик станциянинг орбитаси баландлиги 385 километрни ташкил этади. 2013 йилда Челябинскка диаметри 17 метрга тенг астероид тушган эди. У Тунгусс метеоритидан кейин Ер юзасига келиб урилган энг катта осмон жисмига айланган.

Эслатиб ўтамиз, олимлар 2019 йилда ҳам Ернинг Апофис астероиди билан тўқнашиш хавфидан огоҳлантирганди. Таъкидланишича, Апофис астероиди 2044 йилда Ерга 16 миллион, 2051 йилда 760 минг, 2060 йилда 5 миллион километрга яқинлашади. Олимларнинг сўзларига кўра, улкан осмон жисми 48 йилдан сўнг сайёрага келиб урилиши мумкин.