Американинг SpaceX компаниясига қарашли Crew Dragon кемаси Тошкент вақти билан 09:01 да Халқаро коинот станциясига муваффақиятли тарзда туташди, деб ёзади «РБК» компания Twitter’ига таяниб. Туташиш автоматик режимда амалга оширилди.
«Туташиш тасдиқланди — Crew Dragon ХКСга қўнди», — дейилади хабарда.
"Soft capture confirmed." "Dragon copies, and we see the same." Soft capture confirmed for the Crew Dragon "Resilience" at the @Space_Station. pic.twitter.com/h86Vh5DE4O
— NASA (@NASA) November 17, 2020
Шундан кейин экипаж станцияга ўтишга тайёрлана бошлади. Бу жараён бир неча соат вақт олиши мумкин.
Watch Falcon 9 launch Crew Dragon on its first operational mission to the @space_station with astronauts on board → https://t.co/bJFjLCzWdK https://t.co/Sx1UE8lgsD
— SpaceX (@SpaceX) November 15, 2020
Уч америкалик — Майкл Хопкинс, Виктор Гловер ва Шеннон Уокер ҳамда бир япон астронавти — Соити Ногутидан иборат экипаж ХКСда олти ой мобайнида бўлиб туради.
Эслатиб ўтамиз, бортида тўрт нафар астронавт бўлган Falcon 9 узаткич-ракетаси Crew Dragon кемаси билан Флоридада жойлашган Кеннеди Космик маркази майдончасидан Халқаро космик станция томон учирилган эди. Бу Crew Dragon’нинг ичида астронавтлар бўлган иккинчи ва NASA билан SpaceX’нинг шартномаси доирасидаги биринчи парвози ҳисобланади.
Парвоз дастлаб 14 ноябрга белгиланган, аммо ноқулай об-ҳаво шароити туфайли, старт қолдирилган эди.
SpaceX АҚШга экипажни ХКСга ўз кемалари ёрдамида етказиш имкониятини қайтаришга муваффақ бўлди. 2011 йилда Space Shuttle дастури ёпилганидан буён америкаликлар Россиянинг «Союз» кемаларидан фойдаланиб келаётган эди.
Илон Маскнинг SpaceX компанияси томонидан яратилган Crew Dragon космик кемаси 30 май куни Халқаро космик станция томон учирилган эди. 31 май куни эса Crew Dragon ХКСга муваффақиятли туташган ва 3 август куни Ерга муваффақиятли қўнганди.
Изоҳ (0)