Америкалик астрономлар 21 декабрь куни қуёш ботганидан сўнг Юпитер ва Сатурн тунги осмонда бир-бирига минимал даражада яқин келишини ҳисоблаб кўрди, деб хабар беради «Korrespondent.net».
Rays университети тадқиқотчиси Патрик Хартиганнинг сўзларига кўра, икки сайёра ўртасидаги яқинлашув тахминан 20 йилда бир маротаба содир бўлади, бироқ улар Ўрта асрлардан буён бу қадар бир-бирига яқинлашмаган.
«Ушбу объектларнинг янаям яқинлашувини кўриш учун 1226 йилнинг 4 март тонггига қайтишингиз керак», — дейди Хартиган.
Об-ҳаво шароити яхши бўлса, ҳодисани Ернинг исталган нуқтасидан туриб кўриш мумкин бўлади, аммо кузатиш учун энг яхши жой экватор атрофлари ҳисобланади. Олимнинг аниқлик киритишича, 21 декабрь кечаси Юпитер ва Сатурн «диаметри тўлин Ойнинг 1/5 қисмидек ажралган ҳолатдаги иккиталик сайёра каби кўринади».
Бу каби ҳодиса 2080 йилнинг 15 мартида, шунингдек, 2400 йилда ҳам такрорланади.
Юпитер ва Сатурн бир-бирига ёздан буён яқинлашмоқда. 16–25 декабрь кунлари уларни тўлин Ой диаметридан камроқ масофа ажратиб туради.
Изоҳ (0)