Хитой Ойдаги тупроқ намуналарини йиғишга мўлжалланган зондини муваффақиятли учирди (видео)

Хитой Ойни тадқиқ этиш учун «Чанъэ-5» зонди ортилган «Ченчжэн-5» ракетасини муваффақиятли учирди. Бу ҳақда Хитой миллий космик бошқармасига таяниб, «РБК» хабар берди.

Ракета Вэньчан космодромидан учирилган. «Чанъэ-5» зонди тахминан 40 дақиқа ўтиб ракетадан ажралган. Бир ҳафталардан кейин у Ернинг табиий йўлдоши юзасига бориб қўнади.

CГТН телеканали миссиянинг учирилиши видеосини эълон қилди.

See the moment China’s #Chang’e-5 lunar probe blasted off to the moon from the Wenchang #Spacecraft Launch site . The #probe will drill the surface of the #moon and bring back samples in the world's first unmanned sample return mission. pic.twitter.com/UPk0uPMYDa

— CGTN America (@cgtnamerica) November 23, 2020

«Чанъэ-5» Ой тупроғининг намунасини олиб, Ерга етказиши керак. Маълум қилинишича, агарда бу муваффақиятли амалга ошса, намуналарни Ерга олиб келиш бўйича биринчи учувчисиз амалга оширилган миссияга айланади. Аппарат тўртта модулдан иборат: Ойга қўниш, унинг юзасига кўтарилиш, намуналар ортилган контейнерларга туташиш ва юклаш, шунингдек, ортга қайтиш.

Бундан ташқари, Хитой сўнгги 44 йилдан буён Ой юзасидан тупроқ намуналарини олиб келган биринчи давлатга айланади.

Эслатиб ўтамиз, 2019 йилнинг апрелида Хитой бошқа кўплаб мамлакатлар қатори, Ойга ўз одамини қўндириш имкониятини кўриб чиқаётгани маълум бўлганди. Май ойида эса «Юйту-2» луноходи Ойнинг орқа томонида Ой мантиясининг икки хил жинсларини топган эди.