Футбол бўйича Беларусь чемпионати 2020 йилги мавсумнинг сўнгги тур учрашувлари 28 ноябрь, шанба куни бўлиб ўтди.
Бу тур БАТЭ ва «Шахтёр Солигорск» ўртасидаги чемпионлик масаласига ойдинлик киритиши керак эди.
«Шахтёр» ўз майдонида «Минск»ни қабул қилди. Учрашув давомида солигорскликлар икки ҳисобда ортда бориб, мувозанатни тиклашга эришди. Ҳаммаси дуранг томон кетаётганда мезбонлар ҳакам томонидан қўшиб берилган вақтда иккита гол урган ҳолда уч очкога эга бўлди.
Параллел ўйинда БАТЭ яна бир Минск жамоаси «Динамо» билан нурсиз дуранг қайд этди.
Шу тариқа «Шахтёр» очколарини 59 тага етказиб олган ҳолда БАТЭни (58) бир очкога ортда қолдириб, чемпионга айланди. Жасур Яхшибоев жамоаси келаси мавсумда Чемпионлар Лигасида иштирок этиш ҳуқуқини қўлга киритди.
Шаҳбоз Умаров ва Ҳумоюнмирзо Иминов ҳаракат қиладиган «Энергетик-БГУ» эса сўнгги дақиқаларда иккита гол ўтказиб мағлуб бўлди. «Талабалар» мусобақа жадвалини 10-ўринда якунлади.
Беларусь Олий Лигаси
30-тур баҳслари
28 ноябрь, шанба
«Шахтёр» — «Минск» 4:2
Голлар: 0:1 – 18 Жердев, 1:1 – 24 Кендиш, 1:2 – 52 Шрамченко, 2:2 – 72 Архипов, 3:2 – 90+2 Бегунов, 4:2 – 90+7 Архипов.«Шахтёр»: Чесновский, Бегунов, Антич, Хадаркевич, Сзоке (Сачивко, 90), Баланович, Кендиш, Подстрелов, Яхшибоев (Бодул, 63), Архипов, Сантос (Иванович, 55).
«Минск: Пришивалко, Чаговец, Климович, Рыжук, Тен, Шрамченко (Зинович, 87), Жердев (Яроцкий, 81), Василев, Евдокимов, Сазончик, Горбач (Зинович, 69).
Огоҳлантиришлар: Климович (8), Тен (40), Чаговец (42), Бегунов (70), Рыжук (76), Шрамченко (82), Подстрелов (88).
Четлатиш: Сазончик (85).
«Славия» — «Энергетик-БГУ» 2:1
Голлар: 0:1 – 76 Диас, 1:1 – 88 Жук, 2:1 – 90 Жук.«Славия»: Барановский, Малкевич, Шестиловский, Недашковский, Шевченко, Барсуков, Чухлей (Теттех, 74), Слюсар (Жук, 60), Нарх, Потапов, Мелников (Тлупов, 54).
«Энергетик-БГУ»: Баконин, Мавату, Юдчиц, Сокол, Свирепа (Мирошников, 46), Совпел (Диас, 60), Рилач, Мани (Умаров, 53), Башилов, Иминов, Шкурдюк.
Огоҳлантиришлар: Свирепа (43), Шевченко (73), Умаров (85), Мавату (90).
«Динамо Минск» — БАТЭ 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)