Россияда сўнгги суткада 27 543 кишига COVID-19 ташхиси қўйилди, деб хабар бермоқда Meduza. Бир кун аввал, 26 ноябрь куни 25 487 кишида коронавирус аниқланиб, кунлик касалланишлар сони бўйича юқори кўрсаткич бўлганди. Мамлакатда касалланганларнинг умумий сони 2 215 533 нафарга етди.
Янги аниқланган касалланиш ҳолатларнинг энг кўпи — 7918 та ҳолат Москва шаҳрида қайд этилган бўлиб, шаҳарда касалланганлар сони суткалик ортиши бўйича рекорд даражада бўлди. Санкт-Петербургда ҳам рекорд қайд этилди — бир кеча-кундузда 3687 кишида коронавирус аниқланди. Москва вилоятида эса 1058 та ҳолат қайд этилган.
Мамлакатда сўнгги суткада — 496 киши, пандемия бошланганидан буён эса эса 38 558 киши коронавирусдан вафот этган. Бир кун аввал COVID-19 беморларининг 524 нафари вафот этиб, кунлик ўлим ҳолатлари сони бўйича пандемия давридан буён рекорд кўрсаткич қайд этилганди.Инфекциядан соғайганлар сони 1 712 174 нафарни ташкил этмоқда, шу жумладан, 26 682 нафари сўнгги бир кеча-кундузда тузалиб чиққан. Бир кун аввал 25 073 киши соғайганди.
«Роспотребнадзор» маълумотларига кўра, мамлакатда коронавирусни аниқлаш учун сўнгги 24 соатда 543 мингта (бир сутка олдин — 505 мингта), пандемия бошланганидан буён эса 74,8 миллионта тест ўтказилган.
Жонс Ҳопкинс маълумотларига кўра, Россия коронавирус қайд этилганлар сони бўйича дунёда АҚШ, Ҳиндистон, Бразилия ва Франциядан кейин бешинчи ўринда. Айни пайтда коронавирусга чалинганлар сони дунёда 61 миллиондан ошган.
Изоҳ (0)