Британиялик пианиночи Пол Бартон Таиланддаги Лопбури провинциясидаги пандемия сабабли оғир кунларни бошдан кечираётган макакаларига бир неча жойда концерт уюштирди. Бу ҳақда Esquire хабар бермоқда.
Коронавирус тарқалиши билан ўрнатилган чекловлар туфайли Таиландга сайёҳлар ташрифи камайган. Улар ушбу маймунлар учун озиқ-овқат манбайини келтирар эди. Пианиночи ўзининг «ижодий сафари» билан нафақат очликдаги макакаларнинг муаммолари тўғрисида хабар қилиш, балки ҳайвонларга мусиқа кучи орқали стрессни енгишга ёрдам беришни ҳам хоҳлади.
«Балки чиндан ҳам мусиқа макакаларнинг ўзини қайта тиклашида муҳим рол ўйнар … Биз уларни озиқ-овқат билан таъминлаш учун ҳаракат қилишимиз керак. Улар яхши овқатланишни бошлагандагина хотиржам ва дўстона муносабатда бўлади», − дейди Бартон.
У қадимий ҳиндулар ибодатхонаси, маиший техника дўкони ва ташландиқ кинотеатрда маймунлар учун концерт намойиш этди. Бартон Бетховеннинг «Яшил енглар», «Элизага» ва Майкл Найманнинг «Севги кундалиги» асарларини ижро этганида ҳаяжонланган тингловчилар унинг сочларидан тортиб, пианино клавишлари устида сакради.
Макакалар Бартоннинг биринчи ёввойи тингловчилари эмас. У илгари инсонлар шафқатсиз муносабатда бўлаётган кекса филлар учун ҳам концерт қўйган эди.
Изоҳ (0)