Энни лақабли айиқ боласи Канаданинг Британия Колумбияси чегарасидан АҚШ ҳудудига ўтмоқчи бўлган. Ҳарбийлар томонидан қўлга олинган айиқ Smither’s Northern Lights Wildlife Society ёввойи табиатни ҳимоя қилиш жамияти вакилларига топширилган, деб ёзади «Домашний очаг» журнали.
Ушбу айиқ онасини эрта йўқотган, мутахассислар унинг онасини машина уриб кетганини тахмин қилмоқда. Энни лақабли етим қолган айиқ ўрмонни кезиб юрган ва оч қолган.
Егулик топа олмаганидан кейин тирик қолиш учун одамлар бор ерга чиқишга қарор қилган. Уни тутиш қийин бўлмаган, қафас ичига таом қўйилганидан кейин оч қолган айиқ қафас ичига югуриб кириб олган.
Айни вақтда у мутахассислар кузатуви остида, Smither’s Northern Lights Wildlife Society жамияти ходимлари уни қиш тугагунига қадар бошқа 33 қора айиқ ва 3 айиқ боласи билан бирга бошпанада ушлаб туришни, ёзга яқин ёввойи табиатга қўйиб юборишни режалаштирмоқда.
Изоҳ (0)