Britaniyalik pianinochi Pol Barton Tailanddagi Lopburi provinsiyasidagi pandemiya sababli og‘ir kunlarni boshdan kechirayotgan makakalariga bir necha joyda konsert uyushtirdi. Bu haqda Esquire xabar bermoqda.
Koronavirus tarqalishi bilan o‘rnatilgan cheklovlar tufayli Tailandga sayyohlar tashrifi kamaygan. Ular ushbu maymunlar uchun oziq-ovqat manbayini keltirar edi. Pianinochi o‘zining “ijodiy safari” bilan nafaqat ochlikdagi makakalarning muammolari to‘g‘risida xabar qilish, balki hayvonlarga musiqa kuchi orqali stressni yengishga yordam berishni ham xohladi.
“Balki chindan ham musiqa makakalarning o‘zini qayta tiklashida muhim rol o‘ynar … Biz ularni oziq-ovqat bilan ta’minlash uchun harakat qilishimiz kerak. Ular yaxshi ovqatlanishni boshlagandagina xotirjam va do‘stona munosabatda bo‘ladi”, − deydi Barton.
U qadimiy hindular ibodatxonasi, maishiy texnika do‘koni va tashlandiq kinoteatrda maymunlar uchun konsert namoyish etdi. Barton Betxovenning “Yashil yenglar”, “Elizaga” va Maykl Naymanning “Sevgi kundaligi” asarlarini ijro etganida hayajonlangan tinglovchilar uning sochlaridan tortib, pianino klavishlari ustida sakradi.
Makakalar Bartonning birinchi yovvoyi tinglovchilari emas. U ilgari insonlar shafqatsiz munosabatda bo‘layotgan keksa fillar uchun ham konsert qo‘ygan edi.
Izoh (0)