2020 йилнинг 25 ноябрь санасида футбол тарихидаги энг ёрқин вакиллардан бири Диего Марадона бу ёруғ олам билан видолашди. Ушбу хабарни эшитган футболга алоқаси бўлган инсон борки, ўзида ўзгача бир ҳиссиётни бошдан ўтказди ва хўрсинибгина қўйди. Ҳа, Марадонани футбол олами хурмача қилиқларига қарамай, севарди ва ардоқларди. Бунга эса етарлича сабаблар бўлган: айтишларича, футбол уч даҳони тан олар экан. Улардан бири «Тилла бола» лақабли Марадона ҳам эди. Ҳатто бир вақтлар кимсан Мессига ҳам иккинчи Марадона номи берилганди. «Дарё» қуйида афсонанинг энг машҳур иқтибосларини тақдим этади.
Онаси ҳақида
«Онам мени энг зўри деб ҳисоблайди. Мен эса ҳеч қачон онам билан баҳслашмайман».
Футбол ҳақида
«Тўпни кир қилиб қўйишдан қўрқманг».
«Худо менга яхши ўйнаш қобилиятини берди. Шунинг учун ҳар доим майдонга чиққанимда унга имон келтираман. Агар мен буни қилмасам, худди унга хиёнат қилаётгандек бўламан».
«Ҳозир кўплаб инглиз футболчилари ўз клубларида етакчи, аммо улар ўз мамлакати термасида етакчи эмас. Буни эса тушунтириш қийин».
«Мураббийлар ҳеч қачон ғалаба қозонишмайди, хоҳ у Марадона бўлсин хоҳ Менотти ёки Билардо. Фақат футболчилар ҳақиқий ғолиб ҳисобланади».
«Менга одамларнинг мени қандай мураббий сифатида кўриши муҳим эмас. Менда 23 футболчи бор ва мен улар билан бирга ўлишга ҳам тайёрман».
Англия терма жамоаси дарвозасига урган голи ҳақида:
«Бу голнинг бир қисми Марадонанинг боши, иккинчи қисми эса худонинг қўлига тегишли».
Ҳаёт ҳақида
«Ўзгача турмуш тарзи ҳаётимнинг бир қисми эди. Бироқ ҳозир бундай эмасман».
«Ўғрини талон-торож қилган ҳар қандай киши кечирилишга лойиқдир».
«Худо фақат ўзига ёрдам берадиган инсонларгагина мадад беради».
Машҳурлиги ҳақида
«Мен маълум даражада сиёсатчилардан устунман, чунки улар жамоат одамлари, мен эса шунчаки машҳурман».
«Аргентина — бу мен».
«Мен қизларим учун ҳақиқий қаҳрамонман, шунинг ўзи мен учун етарли».
Яшаш тарзи ҳақида
«Мен актёрман. Чунки мен ўзим хоҳлаганимча яшайман. Яъни, актёрларга сценарий берилади ва улар буни ижро этади. Хўш, мен ижро этаманми? Йўқ, мен шунчаки яшайман ва бу менинг ролим».
Ҳазиллар ҳақида
«Қўпол ҳазиллар? Мен у билан озиқланаман».
Пеле ҳақида
«Пеле ва мени таққослашдан фойда йўқ. Чунки мен зўрман».
Гиёҳванд моддалар ҳақида
«Гиёҳванд моддалар мени энг муҳим нарса — қизимнинг улғайишини кўришдан маҳрум қилган ва бу учун ўзимни ҳеч қачон кечирмайман».
Муваффақият ҳақида
«Одамлар муваффақиятга меҳнат орқали эришади, омаднинг эса бунга ҳеч қандай дахли йўқ».
Изоҳ (0)