Футбол бўйича Coca-Cola Суперлига 24-турида доирасидаги иккита ўйин 25 ноябрь, чоршанба куни бўлиб ўтди.
«Локомотив» жамоаси сафарда «Қўқон-1912»га қарши баҳс олиб борди. 8-дақиқада Жавоҳир Алижонов томонидан урилган гол «темир йўлчилар»га ғалаба олиб келди.
Ушбу ғалабадан кейин «Локомотив» 34 очко билан 7-ўринга кўтарилди. «Қўқон-1912» (38) эса 5-поғонада қолди ва учинчи ўрин учун курашдан чиқди.
Яна бир ўйин мусобақа аутсайдерлари — «Сурхон» ва «Бухоро» ўртасида кечди. Учрашувнинг 70-дақиқада Александр Касян пенальтини аниқ амалга оширган ҳолда термизликларни олдинга олиб чиқди. Ҳакам томонидан қўшиб берилган дақиқалар тугаётган бир вақтда Файзулло Жуманқўзиев ҳисобни тенглаштирди.
«Сурхон» 17 очко билан 12-ўринда бормоқда, «Бухоро» (14) эса сўнгги ўринга жойлашган. Лигани тарк этадиган жамоа номи сўнгги турларга қолди.
Coca-Cola Суперлига
24-тур баҳслари
25 ноябрь, чоршанба
«Қўқон-1912» — «Локомотив» 0:1
Гол: 0:1 – 8 Алижонов.«Қўқон-1912»: Ислом Абдуллаев, Бобур Акбаров, Қувондиқ Рўзиев, Сардор Азимов, Ойбек Рустамов, Музаффар Музаффаров (Ҳамидилло Абдуҳамидов, 46), Муҳаммаданас Ҳасанов, Александр Мерзляков, Иван Ёсович (Авазхон Маматхўжаев, 63), Филип Раевац (Якуба Бамба, 59), Мурод Холмуҳаммедов.
«Локомотив»: Жавоҳир Илёсов, Кахи Махарадзе (Шаҳзод Шайманов, 86), Вадим Афонин (Авазбек Ўлмасалиев, 62), Азизбек Амонов, Ғулом Ҳайдар Ғуломов, Жавоҳир Алижонов (Жаҳонгир Абдумўминов, 74), Дилшод Комилов (Фарруҳ Иброҳимов, 62), Шуҳрат Муҳаммадиев, Шерзод Файзиев, Жалолиддин Жумабоев, Диёржон Туропов (Марат Бикмаев, 63).
Огоҳлантиришлар: Раевац (29), Рустамов (53), Ҳолмухаммедов (79), Амонов (80), Абдуҳамидов (87), Илёсов (89).
«Сурхон» — «Бухоро» 1:1
Голлар: 1:0 – 70, пенальти Касян, 1:1 – 90+4 Жуманқўзиев.Огоҳлантиришлар: Каримов (41), Фомин (84).
Четлатиш: Фомин (86) – «Бухоро».
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)