Пушкаш—2020. ФИФА йилнинг энг чиройли голига даъвогарларни эълон қилди (видео)

FIFA 2019/20 йилги мавсумнинг энг чиройли голига даъвогарлар рўйхатини эълон қилди.

Пушкаш—2020 соврини учун 11 нафар гол муаллифлари кураш олиб боради. Улар орада «Тоттенҳэм» ҳужумчиси Сон Ҳён Мин ва «Барселона» собиқ форварди Луис Суарес томонидан урилган голлар бор.

Пушкаш совринига даъвогарлар:

• Ширли Круз (Коста-Рика аёллар терма жамоаси);
• Жоржиан де Арраскаэта («Фламенго»);
• Жордан Флорес («Дандолк»)
• Андре-Пьер Жиняк («Тигрес»)
• Софи Ингл ( «Челси» аёллар жамоаси)
• Златко Юнузович («Зальцбург»)
• Ҳломфо Кекана («Мамелоди Сандаунз»)
• Сон Ҳён Мин («Тоттенҳэм»)
• Леонел Кинёнес («Макара»)
• Луис Суарес («Атлетико» / «Барселона»)
• Керолайн Вейр («Манчестер Сити» аёллар жамоаси).

The Best—2020 маросими 17 декабрь куни онлайн форматида ўтказилади.

Овоз бериш жараёнлари 25 ноябрдан 9 декабрга қадар давом этади. ФИФА расмий сайтида овоз бериш жараёни старт олди, ушбу ҳавола орқали мухлислар ўртасида ўтказиладиган сўровномада қатнашиш мумкин.

Мавзуга доир:

• Левандовскидан Роналдугача. The Best—2020 совринига даъвогар футболчилар маълум бўлди
• The Best-2020 совринига даъвогар мураббийлар маълум бўлди
• The Best—2020. Мавсумнинг энг яхши дарвозабони номига даъвогарлар эълон қилинди