Бокс бўйича оғир вазн тоифасида собиқ Жаҳон чемпиони Майк Тайсон (50-6, 44 КО) тўртта дивизион собиқ чемпиони Рой Жонсга (66-9, 47 КО) қарши жангда қанча маблағ ишлаб топиши маълум бўлди.
Yahoo Спорц журналисти Кевин Аёленинг хабар қилишича, Тайсоннинг кафолатланган гонорари 10 миллион долларни ташкил этади. Жонс эса 3 миллионга эга чиқади. Бунда пулли трансляциялардан тушадиган улуш ҳисобга олинмаган.
Икки афсона ўртасидаги кўргазмали жанг Тошкент вақти билан 29 ноябрь тонгида Лос-Анжелесда (АҚШ) бўлиб ўтади. 54 ёшли Тайсон ва 51 ёшли Жонс ўртасидаги жанг 8 раунддан иборат бўлиши белгиланган.
Изоҳ (0)