Олимлар Марсда сув йўқолиб кетишининг эҳтимолий сабабларини маълум қилди

Америкалик бир гуруҳ олимлар Марсда сув чанг бўронлари таъсирида йўқолиб кетган бўлиши мумкин, деган хулосага келди, деб хабар бермоқда »РБК». Уларнинг тадқиқот натижалари Science журналида чоп этилган.

Олимлар ўз тадқиқотларида Mars Atmosphere вa Volatile Evolution космик қурулмаларидан олинган маълумотлардан фойдаланган. Тадқиқотчилар хулосасига кўра, чанг бўронлари пайтида сув Марс юзасидан атмосферанинг юқори қисмига етиб боради ва у ерда атомли водородга айланади. Сўнг бу водород сайёра атмосферасидан фазога кетади.

Шунингдек, тадқиқотда айтилишича, Марснинг юқори атмосферасида сув миқдори фаслларга қараб турлича бўлган. У жанубий ёзда энг юқори кўрсаткичга чиққан, шунингдек чанг бўронлари вақтида кўпайган.

Аввалроқ олимлар Марсда сув бўлганини исботловчи далил топгани хабар берилган эди.