Футбол бўйича Coca-Cola Суперлига 24-турининг марказий ўйинида «Насаф» ва «Пахтакор» жамоалари 25 ноябрь, чоршанба куни ўзаро баҳс юритди.
Учрашувнинг 6-дақиқасидаёқ Шароф Муҳитдинов ўзининг супер голи билан қаршиликларни олдинга олиб чиқди. Танаффусга қадар ҳар икки жамоада яна бир қатор имкониятлар юзага келди. Бироқ минимал ҳисоб биринчи бўлим якунига қадар сақланиб қолди.
Иккинчи бўлимда майдон эгалари иккита тўп киритган ҳолда ҳисобни йирик кўринишга олиб келди. 56-дақиқадаги чиройли комбинациядан кейин Darkо Станоевич жамоасининг иккинчи голини урган бўлса, орадан ўн дақиқа ўтиб Акмал Мозговой якуний ҳисобни ўрнатди — 3:0.
Голлар видеосини бу ерда кўриш мумкин — видео
Шу тариқа ушбу ғалабадан кейин «Насаф» очколарини 49 тага етказиб олди ва учинчи ўриндаги ОКМКни (45) тўрт очкога ортда қолдирмоқда. Кейинги турдаги ғалаба ёки олмалиқликларнинг очко йўқотиши эвазига «Насаф» кумуш медалларини нақд қилиб қўйиши мумкин. «Пахтакор» (59) эса ўтган турда чемпионлик масаласини ҳал қилиб қўйганди.
«Насаф» кейинги турда «Бунёдкор» билан баҳс юрица, «Пахтакор» пойтахт дербисида «Локомотив» билан куч синашади.
Coca-Cola Суперлига
24-тур баҳси
25 ноябрь, чоршанба
«Насаф» — «Пахтакор» 3:0
Голлар: 1:0 – 6 Муҳитдинов, 2:0 – 56 Станоевич, 3:0 – 66 Мозговой.«Насаф»: Абдувоҳид Неъматов, Ҳусниддин Алиқулов, Ғолиб Ғайбуллаев, Бобур Абдуҳолиқов (Жавоҳир Эсонқулов, 87), Шароф Муҳитдинов (Шоҳмалик Комилов, 87), Жўрабек Маннонов, Ислом Кенжабоев (Ҳусайн Норчаев, 75), Акмал Мозговой (Абубакризо Турдалиев, 90), Ойбек Бозоров, Марко Станоевич (Дилшод Раҳматуллаев,75), Умар Эшмуродов.
«Пахтакор»: Элдор Суюнов, Ҳожиакбар Алижонов, Анзур Исмоилов, Шерзод Аъзамов, Фарруҳ Сайфиев, Аброр Исмоилов, Сардор Собирхўжаев, Достон Ҳамдамов, Драган Черан, Асадбек Собиржонов (Ҳожимат Эркинов, 61), Игор Сергеев.
Огоҳлантириш: Алижонов (39), Ғайбуллаев (39), Мозговой (70), Исмоилов (72).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)