Дортмунднинг «Боруссия» клуби ҳужумчиси Эрлинг Ҳоланд Чемпионлар Лигаси 4-тури доирасида «Брюгге»га қарши кечган баҳсда (3:0) дублга эришди.
Норвегиялик футболчи Чемпионлар Лигасидаги дастлабки 12 ўйинида 16 та гол уришга муваффақ бўлди. Эрлинг мусобақа тарихида 15 голлик довонни энг тез забт этган ўйинчига айланди.
Бу борада энг яхши натижа Руд ван Нистелрой ва Роберто Сольдадога тегишли бўлиб, улар бунинг учун 19 та ўйин сарфлаганди. Кейинги энг яхши кўрсаткич эса Ҳарри Кейнга тегишли — 20.
Криштиану Роналду мусобақадаги дастлабки 15 та голини 51 та ўйинда урган, Лионель Месси эса 29 ўйинда, Роберт Левандовски — 25.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)