Енгил вазн тоифасида UFC чемпиони Ҳабиб Нурмагомедов (29-0) промоушен президенти Дэйна Уайтга мурожаат қилди.
«Яқинда кўришамиз, Дэйна Уайт», — дея ёзади россиялик яккакурашчи ўз Instagram саҳифасида.
Ҳабиб бу орқали нимани назарда тутгани номаълум.
Эслатиб ўтамиз, 24 октябрь куни Абу-Дабидаги (БАА) «Жангчилар ороли»да бўлиб ўтган мусобақа асосий жангида Ҳабиб Нурмагомедов ва Жастин Гэтжи ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилди.
Шундан кейин Уайт бир неча бор Ҳабибнинг қайтишига ишончи комил эканини айтди. Шунингдек, аввалроқ спортчининг менежери Али Абдулазиз Ҳабибнинг қайтишига шама қилганди.
Изоҳ (0)