Ўзбекистон делегацияси «Жанубий Корея – Марказий Осиё» ҳамкорлик форумида иштирок этади, дея хабар бермоқда Ташқи ишлар вазирлиги.
Маълум қилинишича, Ўзбекистон Ташқи ишлар вазири Абдулазиз Комилов бошчилигидаги делегация «Жанубий Корея – Марказий Осиё» 13-ҳамкорлик форумида иштирок этиши режалаштирилган.
Ўзбекистон ташқи сиёсат идораси раҳбари бошчилигидаги делегация 2020 йилнинг 24–27 ноябрь кунлари Сеул шаҳрида ташриф билан бўлади.
Форум доирасида Ўзбекистон делегацияси қатор икки томонлама учрашувлар ҳам ўтказади.
Аввалроқ Абдулазиз Комилов бошчилигидаги Ўзбекистон делегацияси 15–22 ноябрь кунлари АҚШга ташриф буюрган эди. Ташриф давомида ташқи ишлар вазири Пентагон раҳбари вазифасини бажарувчи Кристофер Миллер билан учрашди.
Делегация 20 ноябрь куни Ўзбекистон–АҚШ сиёсий маслаҳатлашувларининг саккизинчи раундида иштирок этди. Шунингдек, Абдулазиз Комилов АҚШдаги ўзбекистонликларга давлат мукофотларини топширди.
Изоҳ (0)