Жиззах вилоятида қорда қолган фуқароларга ёрдам кўрсатилди, дея хабар қилмоқда Фавқулодда вазиятлар вазирлиги.
Маълум қилинишича, ФВВ Жиззах вилояти бошқармаси қутқарувчилари томонидан Дўстлик, Бахмал туманлари ва Жиззах шаҳрида қорга тиқилиб қолган автомобиллар чиқариб олинди.
Қайд этилишича, 14 нафардан зиёд ҳайдовчи ва йўловчиларга тиббий ва психологик ёрдам кўрсатилган.
Таъкидланишича, Сўнгги кунларда кузатилаётган ноқулай об-ҳаво, қор, йўллардаги музлама ҳайдовчиларга ноқулайлик туғдирмоқда.
Йўллар музлаш оқибатида сирпанчиқлар юзага келиши, туман тушиши ва кўриниш даражасининг ёмонлашуви эҳтимоли сақланиб қолмоқда. Шу муносабат билан ҳайдовчи ва йўловчилардан эҳтиёт чораларини кўриш сўралган.
Аввалроқ Фарғонада 12 метрлик чуқурликда қолиб кетган ишчи ҳамда Тошкент вилоятида тупроқ босиб қолган қурилиш ишчиси қутқариб қолингани ҳақида хабар берилганди.
Изоҳ (0)