Bugun,

  • USD 11014.01
  • RUB 191.8
  • EUR 10674.78

Janubiy Koreya hukumati 24-noyabrdan Seulda koronavirus tarqalishiga qarshi choralarni kuchaytiradi. Bu haqda mamlakat sog‘liqni saqlash vazirligi saytida xabar berildi, deb yozadi “RBK”. Respublikada ketma-ket besh kundan buyon COVID-19’ga chalinish bilan bog‘liq 300 dan ortiq holat qayd etilmoqda, ulardan 200 dan ortig‘i — poytaxt mintaqasiga to‘g‘ri keladi.

Koronavirusga qarshi kurashda odamlarning shijoatini oshirish uchun Seul osmonida 300 dan ortiq dron niqob taqqan odamlar ko‘rinishida saf tortdi

Koronavirusga qarshi kurashda odamlarning shijoatini oshirish uchun Seul osmonida 300 dan ortiq dron niqob taqqan odamlar ko‘rinishida saf tortdi
Foto: AP Photo

Qaror maktab o‘quvchilari tomonidan 3-dekabrda topshiriladigan davlat imtihoni arafasida qabul qilindi.

Poytaxt mintaqasi aholisiga bitta joyga 100 dan ortiq odamning to‘planishi taqiqlanadi. Klublar, barlar, karaoke-zallar va boshqa tungi muassasalar yopilishi kerak.

Restoranlar 21:00 gacha ochiq bo‘ladi, shundan keyin faqat uyga olib ketish uchun ishlaydi. Kafelar esa yegulik va ichimliklarni uyga olib ketish uchungina ishlaydi. Fitnes-markazlar ham 21:00 dan keyin yopiladi, zalda har bir odam uchun 4 m² maydon bo‘lishi kerak.

Davlat kompaniyalari masofadan ishlashga qaytadi, xususiy korxonalarga ham xodimlarini masofadan ishlashga o‘tkazish tavsiya etiladi.

Muassasalar tashrifchilarni ro‘yxatga kiritishi kerak, yopiq inshootlarda niqob rejimi majburiy.

22-noyabr kuni Koreya Respublikasida bir kecha-kunduzda 302 kishida koronavirus aniqlandi, kasallanganlarning umumiy soni 30 733 kishiga yetdi.

Eslatib o‘tamiz, Seul, Inchxon va Kyongido shaharlari joylashgan Seulning poytaxt mintaqasida koronavirus infeksiyasining uchinchi to‘lqini boshlandi. Shu munosabat bilan mamlakat bosh vaziri Chon Se Gyun fuqarolardan ommaviy tadbirlar o‘tkazishdan, shu jumladan, ochiq havodagi tadbirlardan ham tiyilishni so‘radi.

Avvalroq Janubiy Koreyada 13-noyabrdan boshlab jamoat joylari va transportda niqobsiz yurgan kishilar jarima to‘lashi xabar berilgan edi.

Jahon sog‘liqni saqlash tashkiloti kelasi yil boshida Yevropada ham koronavirusning uchinchi to‘lqini boshlanishi xavfi haqida ogohlantirdi.

Izoh
Asosiy yangiliklar
Dunyo
Zaporojyeda raketa bilan urilgan ko‘p qavatli binolar, Limanda ishlayotgan sapyorlar. Urushning 225-kunidan fotoreportaj
Mahalliy
“Yaqinda besh million olgan ekansiz, shu sabab murojaatingiz rad qilindi deb yozaman” — Toshkent viloyati hokimi
Madaniyat
Davron G‘oyipovning qanday kasallikdan vafot etgani ma’lum qilindi