Янги Redmi Note 9 жаҳон бозорига Redmi Note 10 номи остида чиқади

Сингапур Ахборот, алоқа ва санъат вазирлиги таркибига кирувчи IMDА регулятори мамлакатда янги Redmi смартфонининг тақдим этилишига рухсат берди, деб ёзади IXBT.

Аввалроқ Xiaomi компанияси Redmi Note 9’га бағишланган реклама кампаниясини бошлаши, 24 ноябрь куни эса тўлақонли тақдимот ўтказиши маълум бўлганди.

Смартфоннинг модель рақами — М2007J22G. Одатда модель рақамининг охиридаги G ҳарфи смартфоннинг глобал версиялигини билдиради. Манбанинг қўшимча қилишича, гап 5G алоқа тармоғи ва NFC’ни қўллаб-қувватлайдиган Redmi Note 9’нинг глобал версияси ҳақида кетмоқда.

Шунингдек, маълум қилинишича, Redmi Note 9’нинг оригинал линейкаси аллақачон Хитойдан бошқа бутун дунёда тақдим этилган, ушбу мамлакат учун янги мутлақо янги линейка тайёрланмоқда, қолган давлатларда эса тахминан Redmi Note 10 номига эга бўлади.

Эслатиб ўтамиз, Хитойда Redmi Note 9 5G ва Redmi Note Pro 5G, шунингдек, Redmi Note 9 4G тақдим этилиши кутилмоқда. Шу сабабли глобал бозорда ҳам мос равишда Redmi Note 10 5G ва Redmi Note 10 Pro 5G, шунингдек, Redmi Note 10 4G пайдо бўлади. Redmi Note 9 модели 6,53 дюймли, Pro — 120 герц янгиланиш частотасига эга 6,67 дюймли экранга эга бўлади.