Самарқанд вилояти Каттақўрғон туманида электр тармоғидаги узилишлар сабаб иссиқхоналардан биридаги сабзавотлар нобуд бўлди. Бу ҳақда «Troll.uz» Telegram-канали хабар қилган.
Каналдаги постда қайд этилишича, кўрилган зарарнинг тахминий миқдори 35 минг АҚШ долларини ташкил қилиши мумкин. Шунингдек, иссиқхонадаги сабзавотларни хорижга етказиб бериш бўйича шартнома барбод бўлгани айтилмоқда.
Ижтимоий тармоқлардаги фойдаланувчиларнинг таъкидлашича, бой берилган фойда ҳисоблаб чиқилса, зарар 2 ёки 3 карра кўпайиши ҳам мумкин.
Аввал Сурхондарёда электр таъминотидаги узилишлар юзасидан расмий изоҳ берилган, Фарғона вилоятида электр энергияси таъминотида 28 соатгача узилишлар кузатилаётгани хабар қилинган.
Тахиатош ИЭС совуқ кунларда қарийб бир ярим кун ишламай қолган. Тошкент вилояти Тошкент туманидаги туғруқхонада электр таъминотида узилиш кузатилгани юзасидан изоҳ берилганди.
Изоҳ (0)