«Атлетико» Ла Лига 10-турида «Барселона»ни мағлубиятга учратди (1:0).
Бу мадридликлар устози Диего Симеоне учун Испания чемпионати доирасида каталонлар устидан қозонилган илк ғалаба бўлди. Бунга қадар мутахассис 17 учрашувда «Барселона»ни енга олмаганди: 11 мағлубият ва 6 дуранг.
Шунингдек, «Барселона» кетма-кет учинчи ўйинда «матрасчилар»ни мағлуб этолмади. Бундан аввал «кўк-анорранглилар» Испания Суперкубоги ярим финалида Мадрид жамоасига енгилган бўлса (2:3), Ла Лигада дуранг қайд этганди (2:2).
Айни вақтда «Атлетико» 20 очко билан 2-ўринда бормоқда, «Барса» (11) эса 10-поғонага жойлашган. Ҳар икки жамоада иккитадан захира ўйини бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)