Дортмунднинг «Боруссия» клуби ҳужумчиси Юссуфа Мукоко Бундеслига 8-турида «Ҳерта»га қарши кечган баҳсда (5:2) дебют қилди.
Камерунлик футболчи учрашувнинг 85-дақиқасида баҳсда покер қайд этган Эрлинг Ҳоландни алмаштирди.
Мукоко ўйин куни 16 ёш-у 1 кунлик эди. Шу тариқа футболчи Германия чемпионати тарихидаги энг ёш ўйинчига айланди. У дортмундликлар собиқ ярим ҳимоячиси Нури Шаҳиннинг (16 ёш-у 11 ойлик) рекордини янгилади.
Мукоко жорий мавсум «Боруссия» U-19 жамоасида 4 ўйин ўтказиб, 13 та гол уришга эришди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)