«Спартак» бош директори Шамил Газизов «Чемпионат» сайтига берган интервьюсида москваликларнинг 19 ёшли ярим ҳимоячиси Остон Ўрунов ҳақида фикр билдирди.
У топ-даражадаги ўйинчи. Остон билан ишлаган барча буни тушуниб етади. Бундай салоҳиятга эга футболчилар Россия чемпионатида кам.Эслатиб ўтамиз, Газизов Москва клубига ўтишдан аввал Ўрунов ҳаракат қилган «Уфа»да фаолият юритган. Айнан Газизов ўзбекистонлик футболчининг Россия чемпионатида пайдо бўлишига сабабчилардан бири бўлган.Ўйин амалиёти ҳақида
Бу савол менга эмас. У кўп ўйнамади. «Зенит»га қарши ўйинда у ўзини яхши томондан намойиш қилди. Умуман олганда бу ўйин унинг дебюти бўлди. Остон ёмон ҳаракат қилмади.
Бу позицияда ундан нима хоҳлаш мумкин? Барчадан тўпни олиб қўйиши, гол уриши ва дриблинг ишлатишиними? Ўрунов — универсал ўйинчи. Ҳа, ҳозирча у рақобатда ютқазмоқда, бироқ «ҳозирча» — бу асосий сўз. «Спартак»ни олиб қарасак, биринчи кунданоқ асосий таркибдан ўрин олган футболчини топиш қийин.
«Ҳерта»дан тушган таклиф ҳақида
Уни дарҳол сотиб юбориш учун олмадик. Бироқ Ўрунов борасида сўровлар бор ва яна бўлади. Остон жуда кучли Европа клубида ўйнайди, «Спартак» эса уни кучлироқ қилади.
Доминико Тедесконинг Ўрунов трансферига муносабати ҳақида
Трансфердан аввал Тедеско билан маслаҳатлашдим ва у розилик берди. Агар рад этганда Остон ҳозир бошқа клубда бўларди. Ва ишонинг, биз бундан афсусланардик. Бу мен учун ҳам ёмон бўларди: кучли футболчини рақибга бериб юбора олмайман. Бундай қила олмайман.
Шамил Газизов, «Спартак» бош директори
Аввалроқ Ўрунов борасида «Ҳерта»тадан 5 миллион евролик таклиф бўлгани хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)