“Spartak” bosh direktori Shamil Gazizov “Chempionat” saytiga bergan intervyusida moskvaliklarning 19 yoshli yarim himoyachisi Oston O‘runov haqida fikr bildirdi.
U top-darajadagi o‘yinchi. Oston bilan ishlagan barcha buni tushunib yetadi. Bunday salohiyatga ega futbolchilar Rossiya chempionatida kam.Eslatib o‘tamiz, Gazizov Moskva klubiga o‘tishdan avval O‘runov harakat qilgan “Ufa”da faoliyat yuritgan. Aynan Gazizov o‘zbekistonlik futbolchining Rossiya chempionatida paydo bo‘lishiga sababchilardan biri bo‘lgan.O‘yin amaliyoti haqida
Bu savol menga emas. U ko‘p o‘ynamadi. “Zenit”ga qarshi o‘yinda u o‘zini yaxshi tomondan namoyish qildi. Umuman olganda bu o‘yin uning debyuti bo‘ldi. Oston yomon harakat qilmadi.
Bu pozitsiyada undan nima xohlash mumkin? Barchadan to‘pni olib qo‘yishi, gol urishi va dribling ishlatishinimi? O‘runov — universal o‘yinchi. Ha, hozircha u raqobatda yutqazmoqda, biroq “hozircha” — bu asosiy so‘z. “Spartak”ni olib qarasak, birinchi kundanoq asosiy tarkibdan o‘rin olgan futbolchini topish qiyin.
“Herta”dan tushgan taklif haqida
Uni darhol sotib yuborish uchun olmadik. Biroq O‘runov borasida so‘rovlar bor va yana bo‘ladi. Oston juda kuchli Yevropa klubida o‘ynaydi, “Spartak” esa uni kuchliroq qiladi.
Dominiko Tedeskoning O‘runov transferiga munosabati haqida
Transferdan avval Tedesko bilan maslahatlashdim va u rozilik berdi. Agar rad etganda Oston hozir boshqa klubda bo‘lardi. Va ishoning, biz bundan afsuslanardik. Bu men uchun ham yomon bo‘lardi: kuchli futbolchini raqibga berib yubora olmayman. Bunday qila olmayman.
Shamil Gazizov, “Spartak” bosh direktori
Avvalroq O‘runov borasida “Herta”tadan 5 million yevrolik taklif bo‘lgani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)