«Барселона» ва «Бунёдкор» собиқ ҳужумчиси Ривалдо каталонлар форварди Лионель Месси ҳақидаги фикрлари билан ўртоқлашди.
Янги раҳбарият уни кетиш фикридан қандай қайтариб қола олишини тасаввур қила олмаяпман. «Барселона»да уни ушлаб қолиш учун катта ресурслар йўқлигини Месси кўриб турибди.Эслатиб ўтамиз, Месси август ойида каталонлар сафини тарк этиш ниятида эканини расман маълум қилди. Бироқ «Барселона» раҳбарияти уни текинга қўйиб юборишни истамади. Оқибатда 33 ёшли футболчи жамоа билан судлашишни истамади ва 2021 йилга қадар мўлжалланган шартномаси тугагунга қадар «Барселона»да қолишга қарор қилди.Месси бошқа клублардан фойдалироқ ва яхшироқ таклифлар олмоқда. Бунга «Барселона» маошларни пасайтиришга мажбур бўлгани, Месси эса кетиш фикридан қайтмаганини қўшсак, вазият янада оғирлашади.
Фақат бир ҳолатда, улар Чемпионлар Лигаси ёки Ла Лигани юта олса, Куман яхши жамоа ташкил қила олса, Месси фикрини ўзгартириши мумкин.
Бироқ яна қайтарман: бу Мессининг «Барселона»даги сўнгги мавсуми деб қўрқаман. Албатта, бу жуда қайғули.
Ривалдо, собиқ футболчи
Аргентиналик футболчи Ла Лига 2020/21 йилги мавсумида еттита ўйин ўтказиб, учта гол уришга эришди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)