Енгил вазн тоифасида UFC чемпиони Ҳабиб Нурмагомедов фаолиятини қайта тиклаш нияти йўқлигини маълум қилди.
Кейинги йили олийгоҳни битираман, диплом ҳимояси, магистратура ва бошқалар, кўпроқ вақтни таълим олишга сарфламоқчиман. Яқин беш йилни. Қўйлар сотиб олдим, чорвачилик билан шуғулланмоқчиман, бу борада бироз ўсишга эришишни хоҳлайман. Менда боқилаётган буқалар бор, сигирлар. Қишлоқ хўжалиги билан шуғулланаман — буни жаҳон даражасида деб бўлмайди, бироқ бир вақтлар спортда ҳам машғулот билан бошлаганман.Эслатиб ўтамиз, 24 октябрь куни Абу-Дабидаги (БАА) «Жангчилар ороли»да бўлиб ўтган мусобақа асосий жангида Ҳабиб Нурмагомедов ва Жастин Гэтжи ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилди.Мен фойдам тегадиган ишларда қатнашишни хоҳлайман, бу айнан сиёсат бўлиши шарт эмас. Айни дамда сиёсатчи бўлмасам ҳам одамларга фойда келтиряпман ва бу мен учун етарли.
40 ёшгача жанг қилиш мумкин, бироқ мақсад бўлиши керак. Менда энг юқори чўққига қадар етиб бориш мақсади бор эди, унга эришдим. Буёғига менда мусобақалашишга бўлган қизиқиш йўқ.
Ҳабиб Нурмагомедов, UFC жангчиси
Бу ғалаба орқали Ҳабиб учинчи марта камарини ҳимоя қилди. Ундан аввал у Конор Макгрегор ва Дастин Порьени таслим этганди. Жангдан сўнг россиялик яккакурашчи фаолиятида илк бор промоушен умумий рейтингида биринчи ўринга кўтарилди.
Изоҳ (0)