Бугунги даврга келиб тўғри ва тўлиқ уйқу муаммога айланган. Кундалик иш ва ташвишлар, графикдаги ўзгаришлар сабаб ҳар куни муайян бир вақтда уйқуга ётиб 8 соат ухлаш имконсиздек. Статистика маълумотларига қараганда, баҳорги локдаундан кейин аҳвол яна ҳам ёмонлашган, стресс ва узоқ вақт уйда ўтириш сабаб кишиларнинг ҳаёт тарзи ва амал қиладиган режими буткул ўзгариб кетди.
Олимларнинг фикрича, тунги соат 10 дан 11 гача бўлган вақт идеал ҳисобланади. Бу вақтда стресс гормони — кортизол камайиб, уйқу гормони мелатонин кўпроқ ишлаб чиқарилаётган бўлади. Маълумотларга қараганда, айнан ушбу вақт оралиғида уйқуга ётган кишилар тонгда ўзини тетик ва тиниқиб дам олгандек ҳис қилади.
Шунга қарамасдан, бу ҳаммага ҳам бирдек самара бермаслиги мумкин. Агар сиз жуда ҳам кеч ухлашга одатланган бўлсангиз, соат 10 да ухлолмаслигингиз эҳтимоли катта ва уриниш уйқусизлик ҳамда тонгда ёмон аҳволда уйғониш билан якун топиши мумкин. Бунда уйқу циклига эътибор қаратиш керак. Бир цикл 90 дақиқа давом этади ва мутахассислар уйқу вақти бир қанча тўлақонли циклдан иборат бўлиши керак, деб ҳисоблайди. Цикл бузилса, уйқу сифатсиз бўлади ва тонгда уйғониш қийинчилик келтириб чиқаради. Айнан шу сабаб ҳам, тушлик вақтида ухлаш ҳақида янглиш тушунча келиб чиққан. Аслида эса бироз мизғиб олиш зарар қилмайди, аксинча куннинг иккинчи қисми давомида куч ва энергияга тўла бўлишингизга сабаб бўлади.
Мавзуга доир:
- Уйқу яхшиланади, вазн ортмайди: Кечаси қорин очганда истеъмол қилса бўладиган маҳсулотлар
- Тунда тиниқиб ухлаш учун кечки овқатга нима истеъмол қилмаслик керак?
- Коронавирус туфайли пайдо бўладиган уйқусизликни қандай бартараф этиш мумкин?
- Йўталиш, чанқаш ва уйқучанлик. Одатий туюлган, аммо жиддий касалликдан дарак берувчи 10 симптом
Изоҳ (0)