Омадсизлик аксари кишилар учун даҳшатдек туюлади. У ҳаётнинг турли жабҳаларига таъсир кўрсатиши иқтисодий, ижтимоий ва турли оқибатлари бўлиши бор гап лекин, ҳар қандай вазиятда ҳам ички қўрқувни енгиш ва йиқилган жойдан қайта туриб олға ҳаракат қилишни билиш керак. Ҳамма ҳавас билан қарайдиган, аммо улар ҳам бошқалардек қачондир бошлаган ва нима бўлишидан қатъи назар давом этган муваффақиятли кишиларнинг сири ҳам шунда.
Илон Маск — Бундан ҳам ёмони бўлиши мумкин
Кишилар имконсиз деб ўйлаган ишни уддасидан чиққан, орзулар ва изланишни умумлаштириш самара беришининг исботи бўлган Илон Маск бирон ишни бошлашда ёмон натижа бўлиши мумкинлиги ҳақида ўйлаб, қўрқув билан юзма-юз келиш керак деган фикрда. «Агар сиз мумкин оқибатлар ҳақида бош қотирсангиз, камроқ қўрқа бошлайсиз. Space Х парвозидан аввал мен ҳам муваффақиятга эришиш даражаси 10 фоиздан кам деб ўйлаганман. Мен шунчаки ҳамма нарсани йўқотишим мумкинлигига рози бўлганман. Лекин маълум натижага эришишимиз мумкинлигига ишонганман. Нима бўлган тақдирда ҳам бундан ҳам ёмони бўлиши мумкинлигига нафақат Маск, балки Apple’даги илк бизнес подкаст асосчиси, инвестор ва бизнесмен Тим Феррис ҳам ишонади. У тасаввурда омадсизликка дуч келиш кишини қўрқувдан халос этиши мумкин, деган фикрда.
Ричард Бренсон — ҳар қандай вазиятдан ниманидир ўрганиш
«Ҳаво шаридаги парвозимиз давомида менда ерга тирик қайтамизми, деган саноқсиз даражада кўп савол туғилган», — деган Бренсон.
Virgin Group асосчисининг тавсияси Маскникидан фарқ қилади, чунки учар шар ҳақида гап кетганда Илоннинг фикрларидан келиб чиқилса, энг ёмон сценарий ўлим билан якун топади. Буни ўйлаш эса кишини тинчлантирмайди, аксинча, янада асабийлашишига сабаб бўлади. Бунинг ўрнига Бренсон ўрганиш ва изланишга диққат қаратишни тавсия қилади. Бизнесмен хавотир ва ваҳимага тушган вақтда афтидан салбий туюлган тажрибадан нима ўрганиш мумкин, деган фикрда. У омадсизлик ёки муваффақиятсизликдан юзага келган қисқа ноқулайлик жараёни ёки вақтида узоқ муддат ас қотиши мумкин бўлган хулоса чиқаришга эътибор қаратишни тавсия қилади. Бу кишига куч бағишлайди.
Сара Блейкли — Ҳар нарсанинг ижобий томонини кўриш
Spanx бренди асосчиси Сара Блейкли, ҳар қандай ёмонликнинг ҳам яхши тарафини кўришни тавсия қилади. «Нимадир ўхшамаганида ёки кутганимдек бўлмаганида отам менга ҳар доим, ушбу вазиятнинг яхши томони нимада эканлиги ва ундан ўзим учун нима олганимни ёзишни маслаҳат берган». Шундан кейин ҳамма нарсада мен рад қилишни истамаган ғаройиб хазина борлигини тушунишни бошлаганман. Омадсизликка дуч келган вақтингизда, қўлингизга қоғоз ва қалам олиб мазкур тажриба натижасидан олишингиз мумкин бўлган барча ижобий нарсаларни ёзиб чиқинг. Мияни омадсизликни кичик бир муаммо ва келажакдаги катта ютуқларга эришиш учун бир қадамдек, қабул қилишга ўргатиш керак.
Изоҳ (0)