«Jv.ru» сайтининг маълум қилишича, турмуш тарзини тўғрилаш орқали соғлиқдаги кўплаб психологик муаммоларнинг олдини олиш мумкин. Ушбу одатий юмушларни тинчланишга ва асабийлашишнинг олдини олишга ёрдам берадиган ҳолатда амалга ошириш тавсия этилади.
Кунни ижобий кайфиятда бошлаш
Бунинг учун инсон ўзига алоҳида вақт ажратиши зарур. Буни амалга оширмасдан аввал уй тозалаш, иш жойи, электрон почта ёки ижтимоий тармоқларга кирмаслик тавсия этилади. Инсон ўзига ёқадиган бир неча дақиқалик жисмоний машқлар ёки китоб ўқиш каби машғулотлар билан шуғулланиши керак. Куннинг дастлабки 20-30 дақиқасида айнан нима шуғулланиш муҳим эмас, бу фақатгина илҳом бериши учун керак бўлади. Шу йўсинда бошланган кун қувватни оширишга ёрдам беради. Шунингдек, қийин вазиятларда хотиржамликни сақлаб қолиш учун ҳам фойдалидир.
Стрессни енгиллаштирадиган воситалар
Мутахассислар фикрига кўра, ишхона ёки сумкада стрессни енгиллаштиришда ёрдам берадиган воситаларни сақлаш керак. Бу эса ўз вақтида дам олишга ёрдам беради. Бунга севимли эфир мойи қутиси, мазали чой ёки тинчлантирувчи қўл креми мисол бўла олади.
Иш вақтида танаффус қилиш
Бу руҳий соғломлик учун ҳам жуда муҳим. Иш вақтида танаффусга вақт ажратиш керак. Бунинг учун чуқур нафас олиш, елка, оёқ ва қўлларни ҳис қилиш керак. Шунингдек, вақти-вақти билан дераза олдига бориш амалиёти ҳам самара беради. Бу ҳолатлар кайфиятни кўтаради ва ёқимсиз фикрлардан чалғишга ёрдам беради. Аммо танаффусни ижтимоий тармоқларда ўтказиш бу саломатлик учун жиддий зарар келтиради.
15 дақиқа хотиржамлик амалиётини ўтказиш
Мутахассислар тавсия қилишича, кун давомида 15 дақиқа кўзни юмган ҳолда нафас олишни назорат қилиш стрессни енгишда самарали усул ҳисобланади. Бунинг учун 15 дақиқани уч қисмга бўлган ҳолда машқни кун мобайнида амалга ошириш зарур. Эҳтимол, бу қийин туюлиши, фикр чалғиб кетиши мумкин. Аммо хавотир олишнинг кераги йўқ. Ушбу жараён мунтазам амалга оширилса, ижобий кўрсаткичлар намоён бўлади.
Кун давомида иложи борича «экранларсиз ишлаш»
Кўпинча инсонларга ухлашдан олдин смартфон ёки телевизор кўрмаслик тавсия қилинади. Аммо кун давомида ушбу қурилмалардан фойдаланишни чеклаш янада самаралироқ бўлади. Бундай вақтда ўз-ўзидан инсонда ортиқча соатлар пайдо бўлади. Ундан эса китоб мутолааси, ижодкорликни ривожлантириш ва диққатни жамлаш учун унумли фойдаланиш зарур. Бир ҳафта ичида ҳар қандай инсон ўзидаги ўзгаришларни сеза бошлайди. Ҳаётни янада енгил ва қулай бўлиши учун ушбу маслаҳатларга амал қилиш тавсия этилади.
Изоҳ (0)