Фақат ширинлик эмас: Уддабурон уй бекаси творогдан тайёрлаши мумкин бўлган 5 егулик

Творогни нафақат ўзини истеъмол қилиш, балки ундан нонушта, тушлик ва кечки овқатга мазали таом тайёрлаш ҳам мумкин.

Творогга кўкатлар қўшиб, помидорли бутерброд тайёрланг

Нонуштага шунчаки творогнинг қуруқ ўзини истеъмол қилманг, қиздирилган нон ёки крекер устига творогга мураббо ёки асал қўшиб суртинг. Ё бўлмаса творогга кўкатлар қўшиб бир бўлак нон устига соусга ўхшаб суртиб, унинг устидан помидор ёки бодринг қўйиб бутерброд тайёрланг.

Творог ва сабзавотлардан тушликка запеканка тайёрланг

Махсус идишга ёғ суртинг. Музлаткичда бор сабзавотларни тўғралганини териб чиқинг ва устидан творог солинг. Пишлоқни қирғичдан чиқарилгани ва кўкатлар билан безаб, печда пишириб олинг.

Творогли хамирдан пирожки пиширинг

Пирожки хамирини творог қўшиб тайёрланг. Начинкасига карамни номига қовуриб олинг ва қайнатилган тухумни майдалаб тўғраб қўшинг. Гуруч ёки пюрели начинка тайёрлашингиз ҳам мумкин.

Чизкейк тайёрланг.

Чизкейкни қиммат пишлоқ эмас, оддий творогдан ҳам тайёрлаш мумкин. Бунинг учун 500 гр печеньени майдаланг, устидан сариёғ солиб, текислаб олинг. Алоҳида идишда тухум, творог, сметана ва ванилин солиб аралаштиринг. Қолипдаги печенье устига қуйиб 170 даража қизиган печда 1 соат давомида пишириб олинг. Устини турли мевалар билан безашингиз мумкин.

Творогдан апельсин соусли кнели тайёрланг

Апельсин пўстлоғини қирғичдан чиқаринг ва товада эриган сариёғга қўшиб 7 дақиқа қовуринг. 50 мл апельсин шарбати ва крахмал қўшинг. Творогга шакар ва қаймоқ солинг. Қирғичдан чиқарилган апельсинни қўшинг ва устидан тайёрлаб олинган соусни қуйинг.