Миллионерлардан маслаҳат: Пул ишлаб топиш ва уни йўқотмаслик учун нима қилиш керак?

Тадбиркор ва ёзувчи Грег Рид қандай қилиб бундай молиявий устунликка эришгани ва йўқотмагани ҳақида маълумотга эга бўлиш учун турли соҳадаги дунёнинг энг бадавлат кишилари билан суҳбатлашишга муваффақ бўлган. Интервьюлар Wealth Made Easy китобига киритилган. Ушбу китобдан ўрин олган 4 стратегияни эълон қиламиз.

Мулк сотиб олинг

Имкониятингиз доирасидан келиб чиққан ҳолда чекка ҳудуддан кичик бўлса ҳам ер сотиб олинг. Агар олган ерингиз йўл юзида бўлса, яна яхши. Уни маҳаллий фермерларга ижарага беринг. Кафе, дўкон ва шунга ўхшаш марказлар асосан йўлнинг юзида, одамлар кўзига кўринадиган жойда очилади. Сиз ер олган ҳудуд чекка ҳудудда бўлгани билан бора-бора марказга айланиши ёки гавжумлашиши мумкин. Ана шунда сиз сотиб олган ерингизни муайян бир савдо ёки бизнес билан шуғулланмоқчи бўлган кишига бир неча баробар қимматга сотсангиз ёки ижарага берсангиз бўлади. Фойда кўришингиз аниқ.

Турли бизнес ғояларни бирлаштиринг

Chuck E. Cheese’s ресторанлар тармоғи асосчиси Жин Ландрам, оилавий овқатланиш ва дам олиш масканини бирлаштириб янги бизнес моделига асос солган. Сиз ҳам бизнес бошлаш истагида бўлсангиз, шундан илҳомланишга ҳаракат қилинг, яъни ҳам мазали овқатланиш, болалар кўнгил ёзиши ва катталар ҳам овқат ейишдан ташқари бошқа бир мароқли машғулот билан шуғулланишини мумкин бўлган мажмуа очинг. Болалар майдончада мириқиб ўйнаётганида, ота-оналар дўстлари билан эркин суҳбатлашиши ва овқатланиши уларга маъқул келиб, яна такрор келиши ёки бошқаларга ҳам тавсия этиши мумкин.

Яхши янгилик унутилган эскилик бўлиши мумкинлиги ҳақида ўйланг

Кредит карталар учун магнитли чизиқ ўйлаб топган Рон Клайн, кимлардир чиқинди ҳисоблаган нарсаларда имконият кўрган. У General Associates’да фаолият юритаётган вақтида WestWestern Union’дан кераксиз бўлган бир қанча телетайп — ахборотларни қабул қилиш ва узатиш учун мўлжалланган ҳарф босиш аппарати сотиб олган. Эски қурилмаларни таъмирлаган ва йирик коммуникация компанияларига катта нархга сотиб юборган. Шундай экан ниманидир ташлаб юбориш ёки воз кечишдан аввал ушбу буюм ёки қурилма нимага яраши ва қандай мақсадда фойдаланиш мумкинлиги ҳақида ўйлаб кўринг.

Оқимга қарши сузинг ва рақиблар билан ишланг

Рақобат бу янги ҳамкорлик демак. Гавжум машиналар кесиб ўтадиган йўл юзида кетма-кет ёқилғи қуйиш шохобчалари ёки бир-бирига ўхшаш товар сотадиган дўконга кўзингиз тушса ажабланманг. Техас штатидаги Ancira-Winton Chevrolet автосалони бошқарувчиси кичик Эрнесто Ансиро, рақобатчилар бир-бирига кўмаклашади, деб ҳисоблайди. У кризис вақтида Техас автомобиль диллерлари уюшмасидаги рақобатчилар билан махсус таклифлар ҳамда мижозлар учун қўшма тадбирлар устида фаолият олиб борган. Натижа эса кутилганидан ҳам аъло бўлган, бунга энг асосийси мижоз ва сотувчи ўртасида ишонч пайдо қилишга муваффақ бўлгани сабаб бўлган.