Payme’нинг 2020 йил III чорагидаги даромади 1,5 миллион АҚШ долларини ташкил қилди. Бу ҳақда сервиснинг эгаси ҳисобланувчи TBC Bank Group PLC хабар қилган.
Бу 2019 йилнинг мос давридаги кўрсаткичдан 99,5 фоизга ва ўтган чоракдаги натижадан 23 фоизга кўп. Фойдаланувчилар сони 2,5 миллион нафарга кўпайган — бир йил аввалги натижадан 60,2 фоизга ўсган, ўтган чоракдаги ҳолатдан 11 фоизга ортган. TBC маълумотларида қайд этилишича, Payme тез ривожланаётган ва сердаромад лойиҳа.
TBC Bank Payme акцияларининг 51 фоиз қисмини 2019 йилнинг апрель ойида сотиб олганди. Ўшанда компаниянинг умумий қиймати 10,8 миллион долларга баҳоланган.
2020 йилнинг баҳорида Payme асосчиси Сарвар Рўзматов компаниянинг нархи бошқа мамлакатда бундан-да қимматроқ бўлиши мумкинлиги ҳақида гапирган, лекин бунда давлатда бизнес учун яратилган шароитлар ва тадбиркорлик таваккалларини ҳам ҳисобга олиш кераклигини қайд этган.
Изоҳ (0)