Тошкент ҳайвонот боғи пойтахтда ёғган биринчи қорни у ерда яшаётган жониворлар қандай кутиб олганини ўз саҳифаларида намойиш этди.
«Ҳайвонлар ҳаётдан завқланадилар — умбалоқ ошиб, зўр иштиёқ билан суратга тушадилар ва пахмоқ қўллари билан қор парчаларини тутадилар. Бир сўз билан айтганда бундай ҳаво уларга жуда ёқади»,— деб ёзилади хабарда.
Эслатиб ўтамиз, 18 ноябрь куни тушга яқин Тошкентда қор учқунлашни бошлади, тушдан кейинга келиб шаҳарнинг кўплаб нуқталарида кучли ёғингарчилик сабаб тирбандликлар юзага келди. Аввалроқ «Ўзгидромет» Ўзбекистоннинг айрим ҳудудларида 18 ноябрь куни қор ёғишини маълум қилган эди.
Изоҳ (0)