Payme’ning 2020-yil III choragidagi daromadi 1,5 million AQSh dollarini tashkil qildi. Bu haqda servisning egasi hisoblanuvchi TBC Bank Group PLC xabar qilgan.
Bu 2019-yilning mos davridagi ko‘rsatkichdan 99,5 foizga va o‘tgan chorakdagi natijadan 23 foizga ko‘p. Foydalanuvchilar soni 2,5 million nafarga ko‘paygan — bir yil avvalgi natijadan 60,2 foizga o‘sgan, o‘tgan chorakdagi holatdan 11 foizga ortgan. TBC ma’lumotlarida qayd etilishicha, Payme tez rivojlanayotgan va serdaromad loyiha.
TBC Bank Payme aksiyalarining 51 foiz qismini 2019-yilning aprel oyida sotib olgandi. O‘shanda kompaniyaning umumiy qiymati 10,8 million dollarga baholangan.
2020-yilning bahorida Payme asoschisi Sarvar Ro‘zmatov kompaniyaning narxi boshqa mamlakatda bundan-da qimmatroq bo‘lishi mumkinligi haqida gapirgan, lekin bunda davlatda biznes uchun yaratilgan sharoitlar va tadbirkorlik tavakkallarini ham hisobga olish kerakligini qayd etgan.
Izoh (0)