Samsung компьютерларнинг оддий мониторига «смарт-тв» функциясини қўшди. Натижада классик телеканалларни кўрсата олмайдиган, бироқ онлайн-кинотеатрлар ва бошқа дастурларни қўллаб-қувватловчи кичкина телевизор пайдо бўлган, деб ёзади Hi-Tech.Mail.ru.
Маълум бўлишича, Samsung Smart Monitor М5 ва М7 мустақил қурилма сифатида ишлай олади, уларга компьютер улаш шарт эмас. Корпус ичида ҳатто динамиклар ҳам мавжуд. Монитор Tizen OS’да ишлайди, бу каби тизими компания телевизорларига ҳам ўрнатилган. У интернетга ва кино ҳамда сериаллар учун барча замонавий дастурлар, жумладан, YouTube’га ҳам улана олади.
Агарда монитор фақатгина сериал кўриш учун керак бўлмаса, унга компьютер ёки ўйин консолини улаш мумкин — бунинг учун унга HDMI 2.0 ва USB Type-C мавжуд.
Линейкада иккита монитор бор — 27 ва 32 дюймли — кичкина версияси фақат Full HD’ни қўллаб-қувватласа, каттаси тасвирларни 4К сифатда ҳам кўрсата олади.
«Ақлли» мониторлар ҳозирда АҚШда 230 доллардан сотилмоқда.
Мавзуга доир: Samsung ўта юқори тиниқликка эга дисплей яратди
Изоҳ (0)