Samsung kompyuterlarning oddiy monitoriga “smart-tv” funksiyasini qo‘shdi. Natijada klassik telekanallarni ko‘rsata olmaydigan, biroq onlayn-kinoteatrlar va boshqa dasturlarni qo‘llab-quvvatlovchi kichkina televizor paydo bo‘lgan, deb yozadi Hi-Tech.Mail.ru.
Ma’lum bo‘lishicha, Samsung Smart Monitor M5 va M7 mustaqil qurilma sifatida ishlay oladi, ularga kompyuter ulash shart emas. Korpus ichida hatto dinamiklar ham mavjud. Monitor Tizen OS’da ishlaydi, bu kabi tizimi kompaniya televizorlariga ham o‘rnatilgan. U internetga va kino hamda seriallar uchun barcha zamonaviy dasturlar, jumladan, YouTube’ga ham ulana oladi.
Agarda monitor faqatgina serial ko‘rish uchun kerak bo‘lmasa, unga kompyuter yoki o‘yin konsolini ulash mumkin — buning uchun unga HDMI 2.0 va USB Type-C mavjud.
Lineykada ikkita monitor bor — 27 va 32 dyuymli — kichkina versiyasi faqat Full HD’ni qo‘llab-quvvatlasa, kattasi tasvirlarni 4K sifatda ham ko‘rsata oladi.
“Aqlli” monitorlar hozirda AQShda 230 dollardan sotilmoqda.
Mavzuga doir: Samsung o‘ta yuqori tiniqlikka ega displey yaratdi
Izoh (0)