Тошкент метрополитени пойтахт бўйлаб қатнаётган янги метро вагони томидан сув ўтгани тасвирланган видеога изоҳ берди.
Маълум қилинишича, ҳолат вагон ичидаги иқлим тизимининг дренаж тешиги тиқилиб қолганлигидан ҳосил бўлган.
«Видеоларда намойиш этилганидек, вагон салонига томдан сизиб кирган сув томчилари бу ёмғир суви эмас, балки кондиционер тизимининг конденсатидир», — дейилади маълумотда.
Таъкидланишича, айни пайтда ушбу муаммо бартараф этилган. Келиб чиққан ноқулайликлар учун узр сўралган.
Эслатиб ўтамиз, Тошкент метросининг Юнусобод йўналишидаги янги қуриб битказилган бекатлар ҳамда ерусти ҳалқа метросининг биринчи босқичи сентябрь ойининг бошида ишга тушганди.
Изоҳ (0)