Бразилиялик ҳужумчи Неймар ПСЖда қолишни истамоқда, деб хабар бермоқда Telefoot журналисти Жюльен Менар.
Қайд этилишича, Неймар ўз вакиллари орқали ПСЖ спорт директорига жамоадан кетиш нияти йўқлиги ҳақида хабар берган.
Таъкидлаш жоиз, парижликлар раҳбарияти ҳали Неймарга янги шартнома борасида таклиф билан чиққанича йўқ.
Неймарнинг клуб билан амалдаги келишуви 2022 йил ёзида якунига етади.
Маълумот учун, ПСЖ Неймарни 2017 йил ёзида 222 миллион евро эвазига «Барселона»дан сотиб олган ҳолда футбол тарихидаги энг қимматбаҳо трансферни амалга оширганди.
Неймар 2020/21 йилги мавсум ПСЖ сафида 6 та ўйинда қатнашиб, 2 та гол урди ва 3 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)