Футбол бўйича Англия Премьер Лигасининг 8-турида «Манчестер Сити» ва «Ливерпуль» жамоалари 8 ноябрь, якшанба куни ўзаро баҳс юритди.
Учрашув ҳар икки томоннинг фаол ҳужумлари билан бошланди. Биринчи бўлим дебютида Кай Уокер ўз жарима майдони ичида Садио Манени қўполлик билан тўхтатиб қолди. Бунинг натижасида белгиланган пенальтини Муҳаммад Салоҳ аниқ ижро этди.
31-дақиқада Габриэль Жезус майдон эгаларининг узоқ давом этган комбинациясини муваффақиятли якунлади. Бўлим сўнгида «шаҳарликлар» олдинга ўтиб олиши мумкин эди, бироқ Кевин де Брюйне пенальтидан унумли фойдалана олмади.
Иккинчи бўлимда ҳар икки жамоада бир қатор қулай имкониятлар юзага келди, бироқ 1:1 ҳисоби ўйин якунига қадар ўзгармади.
«Ливерпуль» 17 очко билан 3-ўринга жойлашди. «Манчестер Сити» (12) 11-поғонада бормоқда.
«Лестер» ўз уйида «Вулверҳэмптон»ни қабул қилди ва Жейми Вардининг голи эвазига ғалаба қозонди. Ушбу ғалаба эвазига очколарини 18 тага етказиб олган «тулкилар» мусобақа пешқадамлигини ўз қўлига олди.
АПЛ
8-тур баҳси
8 ноябрь, якшанба
«Манчестер Сити» — «Ливерпуль» 1:1
Голлар: 0:1 – 13, пенальти Салах, 1:1 – 31 Габриэль Жезус.«Манчестер Сити»: Эдерсон, Жоау Канселу, Ляпорт, Рубен Диаш, Уокер, Родри, де Брюйне, Стерлинг, Гундўған, Ферран Торрес (Бернарду Сильва, 61), Габриэль Жезус.
«Ливерпуль»: Алиссон, Александер-Арнольд (Милнер, 63), Гомес, Робертсон, Матип, Салоҳ, Вейналдум, Мане, Ҳендерсон, Диогу Жота, Фирмино (Шакири, 59).
Огоҳлантиришлар: Матип (46), Стерлинг (61), Ляпорт (79), Уокер (90).
«Лестер» — «Вулверҳэмптон» 1:0
Гол: 1:0 – 15, пенальти Варди.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)