Сурияда содир бўлган авария оқибатида бутун мамлакат электр энергиясисиз қолди. Бу ҳақда Сурия Энергетика вазирлигига таяниб, «Коммерсантъ» хабар берди. Ҳозирда электр энергияси таъминоти босқичма-босқич қайта тикланмоқда.
Хабарда авария нима сабабдан юзага келгани тўғрисида маълумот берилмаган.
«Тармоқдаги авария сабаб бутун Сурияда электр энергияси ўчиб қолди. Электр энергияси таъминотини қайта тиклаш бўйича ишлар олиб борилмоқда», — дейилади хабарда.
Эслатиб ўтамиз, август ойида ҳам бутун Сурия ҳудудида электр энергияси ўчиб қолганди. Ўшанда бунга Дамашқдаги газ қувурида содир бўлган портлаш сабаб бўлган. Ҳукумат буни теракт деб атаганди.
Изоҳ (0)