АҚШнинг йирик телеканаллари Трамп сайловлардаги фирибгарликлар ҳақида гапираётганида унинг нутқини узиб қўйди (видео)

АҚШдаги баъзи йирик телеканаллар АҚШ президенти Дональд Трамп бўлиб ўтган президент сайловлари ҳақида далил-исботсиз гаплар айта бошлаганидан кейин унинг Оқ уйдан туриб сўзлаётган нутқи трансляциясини узиб қўйди, деб ёзади Meduza. Трампнинг нутқини MSNBC, АBC, CBS, CNBC, МBC телеканаллари ҳамда USA Today нашри тўхтатиб қўйди.

Республикачилар партиясидан янги муддат учун даъвогарлик қилаётган Дональд Трамп ўз нутқида Демократлар партияси вакилларини фирибгарликда ва сайловларни ўғирлашга уринишда айблади. Шунингдек, у фақат «қонуний овозлар»ни ҳисобга олса, сайловларда ўзи ғолиб бўлаётганини айтди, аслида эса бир нечта асосий штатларда овозларни санаш ҳали давом этмоқда.

Трампни нутқининг ярмида узиб қўйган MSNBC бошловчиси Брайан Уильямс ҳаммадан кўра тезкор ҳаракат қилди. У эфирда: «Биз яна ноодатий вазиятда қолдик: биз нафақат АҚШ президенти нутқини узиб қўйяпмиз, балки уни тузатяпмиз ҳам», — деди.

MSNBC immediately cuts off Trump when he moves to undermine the integrity of US election system.

"Here we are again in the unusual position of not only interrupting the President of the United States but correcting the President of the United States..." pic.twitter.com/IwVshBmosK

— Oliver Darcy (@oliverdarcy) November 5, 2020

CNBC телеканалида бошловчи Шепард Смит Трампнинг нутқини кесиб қўяр экан, «Қўшма Штатлар президенти айтаётган гаплар аҳамиятли даражада, мутлақо нотўғри»лигини таъкидлади.

President Trump just spoke at the White House, as key states continue to count votes.
Shep has the facts: “What the President of the United States is saying, in large part, is absolutely untrue.” #Election2020 https://t.co/E6DBt6OodD pic.twitter.com/HVa87qUCzB

— Last Call (@LastCallCNBC) November 6, 2020

CNN ва Fox News телеканаллари Трампнинг нутқини тўлиқ кўрсатди, аммо CNN журналисти Дениел Дейл бу нутқни 2016 йилдан буён «энг ноҳаққонийси» деб атади.

Twitter ҳам Дональд Трамп нутқининг трансляциясини тўхтатиб қўйди ва ўз дастурида тўғридан-тўғри эфир ҳақидаги белгичани олиб ташлади.

АҚШ президенти сайловидан кейин Twitter Трампнинг 20 дан ортиқ твитининг саккизтасини янглиштирувчи хабарлар деб белгилаб қўйди, Facebook ва TikTok эса сайловлар «ўғирлангани» ҳақида нотўғри маълумотлар тарқатувчи хештегларни блоклади.

Эслатиб ўтамиз, 3 ноябрь куни АҚШ президенти сайловлари бўлиб ўтди. Бу йил рекорд сонли америкаликлар почта орқали овоз берди, шу сабабли кўплаб штатларда овозларни ҳисоблаш жараёни узоқроқ давом этмоқда.

Трамп сайлов участкалари ёпилиб бўлганидан кейин келган бюллетенлар (почта орқали) ҳисобга олинмаслигини талаб қилмоқда. Айни пайтда унинг рақиби, АҚШ собиқ вице-президенти Жо Байден «ҳар битта овоз ҳисобга олиниши шарт»лигини таъкидламоқда.

Аввалроқ эса Европада хавфсизлик ва ҳамкорлик ташкилоти Америка президенти сайловлари чоғида қоидабузарликлар аниқланмаганини маълум қилганди. Ташкилот «амалдаги АҚШ президенти Дональд Трампнинг Америка президенти сайловлари чоғида қоидабузарликлар юз бергани ҳақидаги гаплари асоссиз ҳамда аҳолининг демократик институтларга нисбатан ишончини поймол қилади», — дея баёнот берган эди.