Агар свитер кийиш шунчаки оддий услуб деб ҳисобланса, бу, албатта, бироз нотўғри фикр. Сабаби ундан ҳам кутилмаган ва ажойиб образлар яратиш мумкин. Бунга юлдузлар кўринишида гувоҳ бўлинг.
Виктория Бекҳэмдан ўрнак олса арзийди, у кенг свитерни плиссировкали юбка билан уйғунлаштирган. Ушбу услуб куз-қиш мавсумига жуда мос келади. Агар яна қўшимча қилишни истайдиганлар бўлса, пошнали оёқ кийим ва сумкадан фойдаланиши мумкин.
Қора рангли свитерлар ҳамиша унинг эгасига ўзгача кўриниш бахш этади. Узун этик ҳамда юбка ёрдамида оддийгина свитер янада бойитилган. Ушбу услубдан, албатта, юпқа матолардан иссиқ фаслларда ҳам фойдаланиш мумкин. Ҳаттоки кечки зиёфат ва учрашувларга ҳам ушбу кўринишда ташриф буюриш тавсия этилади.
Свитерни замонавий кенг шимлар билан уйғунлаштириш ҳам ажойиб услубни кашф этади. Айниқса, юпқа матодагиси уни осонгина камар ичига қайириб олишга ёрдам беради.
Свитер нафақат иситади, балки унинг ёрқин ранги кайфиятга ҳам таъсир ўтказади. Қизил, пушти ёки сариқ каби ранглар классик услубдаги костюм-шимлар билан уйғунлаштириш мумкин.
Свитер ва юбка, бу ҳам ажойиб танлов. Айниқса, баланд пошнали оёқ кийим ушбу услубга жуда ҳам мос келади. Куз ва баҳор мавсумида энг кўп қўлланиладиган образлардан биридир.
Кўпчилик жинси шимларни фақатгина кундалик ҳаётда кийиш мумкин, деб ўйлайди. Аммо уни свитер ва классик услубдаги туфли билан бирлаштириш натижасида зиёфат ва учрашувларга ҳам кийиш мумкин.
Ёрқин ва катта ўлчамдаги свитерларни шим ва кроссовка билан бирлаштириш мумкин. Бундай услуб дўстлар билан учрашувга мос келади.
Чарм матоси ҳеч қачон урфдан қолмайди. Уни свитер ва баланд пошнали оёқ кийим билан уйғунлаштириш эса янги образни намоён қилади.
Свитерни моно услубда ҳам кийиш мумкин. Бундай кўринишдаги аёллар шаҳарнинг гавжум кўчаларида ҳам кўпроқ учрайди. Ҳаво исиб кетганда эса уни шунчаки елкага ташлаб олиш кифоя.
Изоҳ (0)