Harorat sovishni boshlaganda shapka kiyish kerak, uni yarashmaydi deyish esa shunchaki bahona. Siz yuz shakli va kiyinish uslubingizga moslasangiz, modellar orasidan yarashadigani topiladi, asosiysi esa nafaqat obrazingiz didli, balki salomatligingiz ham joyida bo‘ladi.

Haddan ortiq ingichka yoki yupqa shapka

Foto: Cosmopolitan

Bunday shapka birinchidan sovuqdan saqlamaydi, ikkinchidan soch turmagini pachoq qiladi. Yupqa model boshni siqib turadi va qon aylanishiga zarar yetkazadi, oqibatda nafaqat bosh og‘rishi, balki qazg‘oq tushishi ham kuzatiladi.

Shapkani peshonani katta ochib kiyish

Foto: Cosmopolitan

Cho‘zinchoq va to‘rtburchak shaklli yuz egalariga shapkani peshonani katta qilib ochgan holda kiyish tavsiya qilinmaydi. Bunday usulda kiyish peshonani yana ham katta, yuz shaklini xunuk ko‘rsatadi. Shu sabab uni pastroq tushirib kiyish yoki dumaloqroq modellarga e’tibor qaratish tavsiya qilinadi.

Shapkani bostirib kiyish

Foto: Cosmopolitan

Shapkani qoshga yaqin qilib kiyish yuzning kattaroq ko‘rinishiga olib keladi va bu, ayniqsa, yonoqlari bo‘rtgan qizlarga yarashmaydi.

Shaklsiz shapka

Foto: Cosmopolitan

Shakli yo‘q va har tomonga qiyshayib ketadigan shapka kiyish ham xato. Bunday model obrazni arzon va didsiz ko‘rsatadi.

Bezakli shapka

Tosh, munchoq, ko‘z va boshqa bezaklari bor shapkalarni garderobdan olib tashlang. Bunday shapkalar sizni kiyinish borasida didsiz ko‘rsatadi va kiyimlarga mos tushmaydi. Qimmat va sifatli palto yoki shuba kiygan taqdiringizda ham, bunday shapka sizni ko‘ngildagidek ko‘rsatmaydi.

Kepkali, to‘qilgan shapka

Foto: Cosmopolitan

Bunday modellar baland poshnali krossovka, kapron ustidan kiyilgan jinsi shorti singari g‘alati ko‘rinadi. Xarid borasida minimal uslubdagi, yuz shakliga yarashadigan modellarga e’tibor qarating.

Shapka sifati

Foto: Cosmopolitan

Shapka sifati, matosiga e’tibor bering. Iplari titilgan “katishka” bo‘ladigan bo‘lsa, uni kiymaganingiz yaxshi.

Komplekt shapka

Foto: Cosmopolitan

Sharf, shapka va qo‘lqop komplekti, garderobning rang barang bo‘lmasligi fantaziya cheklanishiga sababchi bo‘ladi. Yaxshisi, ularning har biri uchun alohida-alohida modellarni xarid qiling.

Kiyinish uslubiga mos tushmaslik

Foto: Cosmopolitan

Siz yoqtirganingiz uchungina ma’lum modelni hamma yerga kiyaverish yaramaydi. Masalan, popukli shapkani jiddiy uslubdagi palto, charm botilyon bilan kiyib, o‘zingizni topgan-tutganini kiyib olgandek qilib ko‘rsatasiz.