Греция ҳукумати раҳбари Кириакос Мицотакис COVID-19 билан боғлиқ эпидемиологик вазиятнинг ёмонлашгани туфайли мамлакат миқёсида умумий карантин режими жорий этилишини эълон қилди. Бу ҳақда «Интерфакс» хабар берган.
Карантин 7 ноябрдан бошлаб амалда бўлади коронавирусга қарши эксперт кенгаши раҳбари, инфекционист Сотирис Циодрас билан келишга ҳолда 3 ҳафта муддатга белгиланган.
Мамлакат молия вазири Христос Стойкурас аҳолини қўллаб-қувватлаш, фуқаро муҳофазаси вазири Никос Хардалиас эса Соғлиқни сақлаш вазирлиги вакиллари билан биргаликда карантинга риоя қилинишининг назорати ҳақида маълумот берган.
Грецияда узоқ вақт давомида COVID-19 коронавирус инфекциясини юқтириб олиш ҳолатлари сони Европанинг бошқа мамлакатларига нисбатан анча кам эди, аммо октябрь бошидан ушбу кўрсаткич кескин ўзгара бошлаган.
4 ноябрь ҳолатига кўра, мамлакатда жами 2646 та касалланиш ҳолат қайд этилган. 18 нафар бемор COVID-19 асоратлари оқибатида вафот этган, 179 киши сунъий нафас бериш аппаратларига уланган ҳолда касалхоналарда даволанмоқда.
Грецияда эпидемия бошланганидан бери кузатилган касалланиш ҳолатларининг сони 47 мингтадан ошиб кетган, 673 нафар бемор коронавирус инфекцияси оқибатида ҳаётдан кўз юмган.
Аввал Данияда коронавирус мутациясининг олдини олиш учун барча қоракўзанлар йўқ қилиниши, дунёда коронавирусга чалинганлар сони 48 миллиондан ошгани, инфекция асоратлари оқибатида кузатилган ўлим ҳолатлари сони бўйича антирекорд қайд этилгани ҳақида хабарлар берилган.
Изоҳ (0)